नेपालले छुर्पी बेचेर कमायो ११ महिनामै ३ अर्ब, अमेरिका मुख्य बजार
भन्सार विभागको तथ्याङ्कअनुसार साउनदेखि जेठसम्म नेपालबाट २ अर्ब ९६ करोड ६६ लाख ५० हजार रुपैयाँ बरारको १५ लाख ६३ हजार ३९० किलो छुर्पी निर्यात भएको छ ।
जुन गत आर्थिक वर्षको यसै अवधिको तुलनामा ३८ करोड ६१ लाख रुपैयाँ बराबरले बढी हो । गत आवको यसै अवधिमा नेपालबाट २ अर्ब ५८ करोडको १५ लाख ५२ हजार २२२ किलो छुर्पी निर्यात भएको थियो ।
भन्सार विभागकाअनुसार नेपालले धेरै छुर्पी अमेरिकालाई बिक्री गर्ने गरेको छ । जेठसम्म नेपालले १३ लाख २१ हजार किलो छुर्पी अमेरिका निर्यात गरेर २ अर्ब ५५ करोड रुपैयाँ कमाइ गरेको छ ।
यस्तै क्यानडामा एक लाख ३६ हजार किलो छुर्पी निर्यात हुँदा २७ करोड रुपैयाँ नेपालले आर्जन गरेको छ ।
हङकङमा एक करोड १२ लाखको छुर्पी निर्यात हुँदा जापान र बेलायतमा समान ३/३ करोड रुपैयाँको छुर्पी निर्यात भएको छ ।
साभार:onlinekhabar
बिहीबार १४ असार २०८० ०४:०० AM मा प्रकाशित
ट्रेण्डिङ समाचार
ताजा समाचार
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.
प्रतिक्रिया